«ARCHE-Skaryna»
Vyjšaŭ pieršy numar analityčna-krytyčnaha ahladu «ARCHE-Skaryna». Ničoha padobnaha pa styli j žanry ŭ 90-ch hadach pa-biełarusku nie vychodziła. Na 72 staronkach časopisa nadrukavanyja artykuły Valerki Bułhakava «Kalandaryk dla kastrata» pra biełaruskaje vydańnie z samym vialikim nakładam — kalandar «Rodny kraj», Andreja Jekadumava «Čas imperyi minuŭsia» pra knihu Z.Bžezinskaha «Vialikaja šachmatnaja doška» i jaje pierakład na rasiejskuju movu, Andreja Chadanoviča «Visiačyja Viertahrady» pra Michasia Bajaryna, «paeta dla čytańnia rozumam», Volfa Rubinčyka pra sučasnyja prablemy biełaruska-žydoŭskich adnosinaŭ. Kšyštaf Čyžeŭski raspaviadaje pra svajo baśnijskaje padarožža, Ludmiła Rubleŭskaja robić ahlad litaraturnaha hodu. Adkryvajecca numar ese Vacłava Haŭła, a zaviaršajecca historyjaj avanturnaha žyćcia i tajamničaha źniknieńnia Freda Kjuni, jaki prapaŭ u Čačenii, a byŭ ci to sučasnym Łoŭrensam Arabijskim, ci to ahientam CIA.
Pytajciesia ŭ kniharniach, šapikach «Biełsajuzdruku», u pryvatnych raspaŭsiudnikaŭ, u kniharniach BNF i TBM, a taksama padpisvajciesia — z druhoha paŭhodździa na časopis ARCHE abviaščajecca padpiska.
ARCHE — novy śviet słova.
